Kike Sola: 'Adurizekin oso ondo moldatzen naiz'

Kike Sola apurka-apurka ari da Athleticera moldatzen, eta denboraldi honetan izango duen helburu nagusia bere buruan konfiantza izatea izango da.

"Taldeari nirekin fidatu ahal dela erakutsi behar diot", esan du nafarrak Leogangen (Austria) eskainitako prentsaurreko batean.

Askotan antsietatea bera baino gehiago dela aitortu du. "Normala da. Talde berri batera heldu eta grinak gainditzen zaitu, eta hori kontrolatzen ikasi beharra dago. Horretan entrenatzaileak eta taldekideek asko laguntzen dute", esan du.

Aritz Adurizekin duen lehia "osasuntsua" dela azpimarratu du Athleticeko jokalari berriak, eta oso pozik agertu da. "Oso ondo moldatzen gara. Jokalari handia da eta berarekin asko ikasiko dut, ziur", gaineratu du.