Nadalek sufritu egin du, finalerdietara heltzeko

Rafael Nadalek duen guztia eman behar izan du lau ordu baino gehiagotan Tomas Berdych jokalari txekiarra mendean hartzeko (6-7 (5), 7-6 (6), 6-4 eta 6-3). Garaipen honekin, Espainiako jokalariak Australiako Irekiko finalerdietarako txartela lortu du eta, bertan, Roger Federerren aurka arituko da.

Garaipena lortu arren, Nadalek asko sufritu du Berdychen jokoa indargabetzeko. Izan ere, lehenengo seta oso parekatuta egon da eta, azkenean, berdinketa hausteko jokoak txekiarraren alde joan dira.

Bigarren seta ere berdinketa hausteko puntuetan erabaki da, baina kasu honetan garailea Nadal izan da. Ordutik aurrera, Manacorreko tenislaria sendotu egin da eta hurrengo bi setak irabazi ditu, finalerdietarako txartela lortzeko.