Beste kirolak
Denboraldi amaieran
Dani Pedrosak erretiroa hartuko du
Erredakzioa
Kataluniako pilotuak iragarri du erretiroa hartuko duela denboraldi amaieran, ez baitu lehiaketa sentizen lehenago zeukan intentsitatearekin.
-
Daniel Pedrosa. Argazkia: Repsol Honda Team
Dani Pedrosak (Repsol Honda RC 213 V) erretiroa hartuko du denboraldi amaieran. Hala iragarri du pilotu katalanak, ostegun honetan eskaini duen prentsaurrekoan. Lehiaketa ez duela lehengo intentsitate berdinarekin sentitzen adierazi du.
Lehiatzen jarraitzeko aukera izan du Pedrosak, baina bere ustez "erretiroa hartzea da onena". Malasia Petronas taldea sortzen ari den talde-satelitean jarraitzeko aukera izan du, baina Castellar del Vallesekoak erretiroa hartzea erabaki du.
Munduko txapelduna izan zen 125 cc mailan (2003) eta 250 cc mailakoa 2004an eta 2005ean. Maila gorenera 2006an iritsi zen Honda taldearen eskutik eta ordutik maila gorenean egin du bere ibilbidea, nahiz eta ez duen lortu munduko txapelketa irabaztea.
