Arrauna
Concello de Bueu Bandera
Oriok Urdaibai gainditu du Galizian eta sendo da Ligako lidergoan
Erredakzioa
Gipuzkoarrak nagusi izan dira ohorezko txandan: bi segundu atera dizkiote Urdaibairi, 5 Hondarribiari eta 13 Kaikuri.
Orio gero eta sendoago dago San Miguel Ligako lehen postuan, denboraldiko lehen hiru estropadak lehiatuta. Gipuzkoarrak sasoiko daude, eta garaile izan dira Concello de Bueu Banderan.
Ohorezko txandan aritu da Orio, Urdaibairekin, Hondarribiarekin eta Kaikurekin batera. Bermeotarrak bi segundora helmugaratu dira, hondarribiarrak bost segundora eta Sestaokoak, aldiz, 23 segundora.
Lehen txandan Astillero gailendu da, lehia oso estua izan da, eta 77 ehuneneko bakarrik atera dizkio bigarrenari, Portugaleteri. San Pedro hirugarren izan da, ia 3 segundora, eta Vedreña laugarren, 33 segundora.
Bigarren txandan ere lehia oso estua izan da. Zierbenak irabazi du, San Juanen, Tiranen eta Caboren aurretik. Bizkaitarrak denboraldi hasiera bikaina egiten ari dira.
Gauzak horrela, Oriok San Miguel Ligako lehen postuan jarraitzen du, 35 puntu lortuta, Hondarribiaren eta Kaikuren aurretik.
Sailkapen nagusia
1.Orio 35
2.Hondarribia 28
3.Kaiku 28
4.Tirán 22
5.San Juan 19
6.Zierbena 18
7.Cabo 14
8.Astillero 12
9.Portugalete 12
10.San Pedro 9
11.Pedreña 2
12.Urdaibai -61
