Arrauna
Galizian
Kaikuk irabazi du Espainiako txapelketa
L.E.
Bizkaitarra ontzia ohorezko txanda nagusitu da. Orio bigarren izan da 7 segundora, Tiran hirugarren 17 segundora eta Chapela laugarren 41 segundora.
Kaikuk ez du aurkaririk. Jose Luis Kortak entrenatzen duen taldeak Espainiako Txapelketa irabazi du Galizian, aurreko egunetan Bizkaiko eta Euskadiko txapelketak irabazi ostean.
Bizkaitarra ontzia ohorezko txandan aritu da Oriorekin, Tiranekin eta Chapelarekin batera. Sestaokoak estropadaren buruan izan dira hasiera-hasieratik eta arerioekiko aldea handitzen joan dira.
Oriok estropada txukuna egin du, baina ezin izan dio Kaikuren errirmoari eutsi. Gipuzkoarrak bigarren izan dira 7 segundora. Tiran hirugarren sartu da 17 segundora eta Chapela, azkena, 41 segundora.
Meira garaile kontsolaziozko txandan
Ohorezko txanda jokatu aurretik kontsolazio txanda lehiatu da. Pedreña, Meira, Mugardos eta Amegrove izan dira nor baino nor gehiago. Garaipena Meirak lortu du, Mugardos, Pedreña eta Amegroveren aurretik.
