Kontxako estropadetako lehendabiziko igandearen bezperatan Nadet Agirre Orioko patroiarekin eta Urko Redondo Hondarribiko arraunlariarekin hitz egin dugu aurten bestetan baino kolore gutxiago izango duen arraun norgehiagokaz. Donostiako alde zaharreko Juantxo tabernako Xabi Agirrek ederki antzemango dutela aurtengo jende falta esan digu. Eli Pagola eta Julio Soto bertsolariekin ere bi hitz egiteko modua izan dugu uda honetako azkeneko saioan.

Kale anzterkia egiten duen Deabru Beltzak taldeko Garbitxurekin hitz egin ahal izan dugu azkeneko aste hauetako kudeaketaren inguruan. Zeta-k taldeko Peio Reparaz ere gurean izan da, eta gaur Etxarri Aranatzen eman behar duten kontzertuari buruz aritu gara berarekin.

Ai Laket taldekoek uda honetan zer nolako lana egiten ari diren kontatu digute. Beraiek ere lana egiteko modua aldatu behar izan dute. Ataungo talogilea den Margari Agirre-k geldirik daudela kontatu digu baina herriz herri ibiltzeko gogo handiz. Eta Eriz magoak berriz, haurrak inoiz baino tristeago ikusten dituela kontatu digu.

Lekeitioko lehiaktean egiten diren Play  Back lehiaketa eta paella lehiaketaz ari zaigu Romi Markes antolatzailea. Jon Gezuragak Aittitta Makurra txarangaren historia kontatu digu eta Boyse-tik buelatu berri den Iñigo Valenciak bertan urtebetez bizi izandako esperientzia kontatu digu.

Trakamatraka taldeko Jon Urrutiarekin hitz egin dugu beraien egoeraz. Josu Rodriguez DJ-ak koronabirusarekin izan duen harremanaz aritu zaigu eta Agus Barandiaran Korrontzi taldeko kidearekin aritu gara aste hauetako beraien agendari buruz.

Euskal Herriko herrietako festa gehienetan egoten diren komunen jabearekin hitz egiteko tartea hartu dugu, Komunonak enpresako Oskar Salinasekin, alegia. Bakioko jaiak ezagutu ditugu Gorane Oleaga kultur teknikariaren eskutik, eta Amak taldeko Alaitz Telletxearekin eta Amaia Orejarekin agurtu dugu programa.

Kiki Koko eta Moko pailazoekin igo gara oholtza gainera, eta hainbat bertsioren doinupean amaitu dugu saioa, Bergarako Indai taldearen eskutik.

Josi Lekanda Gatikako Wakeparkearen jabea da, eta orain urtebete ekin zion proiektuaren berri eman digu. Donostiako misterioak argitzen saiatu gara Tania de Sousarekin, Espace Street-eko arduradunetako batekin, eta Alos Quartet taldeko Xabier Zeberiorekin mintzatu gara euren egoeraren berri izateko.