Albisteak -
PSOE-k eskatuta
Valenciano eta Cañeteren arteko debatea ostegunera arte atzeratu dute
'Aurrez aurreko' debatea astearte gauean egitekoa zen, baina PSOEk atzeratzea eskatu du, Carrascoren hilketak eragindako "dolumina" dela eta.
Erredakzioa
Miguel Arias Cañete eta Elena Valenciano PPko eta PSOEko hautagai nagusien arteko debatea atzeratu egin dute eta, azkenik, maiatzaren 15ean, osteguna, egingo dute, bi alderdietatik informatu dutenez.
Oscar Lopez PSOEren hauteskunde kanpainaren koordinatzaileak RTVEri esan dio, bere ustean, Miguel Arias Cañete eta Elena Valencianoren arteko debatea ezin dela gaur egin, Carrascoren hilketak eragindako doluminagatik.
Sozialisten arabera, Lopezek RTVEri eta Telebistaren Akademiari data berri bat jartzeko eskatu die, debatea egiteko.
Bestalde, gaur goizean, PPk jakinarazi du gaur gauean debatea egiteko asmoa duela, bere iritzian, "ekitaldi informatiboa da, ez mitin bat egitea bezala". Azkenik, debatea atzeratu egin da.
