EAE-ko Hauteskundeak 2024 -
Hauteskunde-kanpaina
Ezker Batuak eta Ezker Anitzak publizitate denbora bera izango dute
Hauteskunde Batzordeak EBren alde egin du, baina botoen % 5 baino gutxiagorekin, berrien denbora bera lortu du. EBk goizeko tartea izango du eta Ezker Anitzak arratsaldekoa.
Erredakzioa
Ezker Batuak eta Ezker Anitzak hauteskunde kanpainan publizitate denbora bera izango dute komunikabide publikoetan, urriaren 21eko hauteskundeetara begira. Ezberdintasun bakarra honako izango da: EBko saioak goizez emango dituzte eta Ezker Anitza-IUrenak arratsaldez.
Bi alderdiek, EBk eta Ezker Anitzak, hauteskunde publizitaterako doako espazioak eskatzen dituzten irrati eta telebista publikoan (RTVE eta EITB), eta Euskadiko Hauteskunde Batzordeak ostiral honetan gatazkari amaiera jarri dio lehenengoei arrazoia emanez: Ezker Batua da dagokion denbora merezi duena, 2009ko hauteskundeetan lortutako emaitzengatik.
Halaber, Ezker Anitza-IUk hautagaitza berriei dagokien denbora izango du.
Legeak botoen % 5a baino gutxiago lortzen duten hautagaitzei denbora bera ezartzen die, EBren kasuan pasatu den moduan.
Ondorioz, EBk eta Mikel Arana buru den alderdiak denbora bera izango dute RTVEn eta EITBn euren proposamenen berri emateko.
