Gaztea
Musika
Leire Martinezek ez du La Oreja de Van Goghen jarraituko
B. F. | EITB Media
La Oreja de Van Goghek sare sozialetan iragarri du berria. Martinezek 17 urte eman ditu bandako abeslari gisa.
-
La Oreja De Van Gogh
Leire Martinez abeslariak La Oreja de Van Gogh utziko du, taldeak sare sozialetan iragarritako oharrean jakinarazi duenez. 17 urteko ibilbide oparoaren ostean, bandaren eta abeslari nagusiaren "ibilbide profesionalek bide ezberdinak" hartuko dituztela azaldu dute.
Erabakia gogorra, zaila eta oso pentsatua izan dela azpimarratuta, honako arrazoiak azaldu dituzte: "Hainbat elkarrizketa sakon izan ostean, ez dugu lortu taldean egoteko ditugun modu ezberdinak bateratzea".
Azken 17 urteak ahaztezinak eta "zoragarriak" izan direla erantsi dute taldekideek, "munduko ogibiderik onenaz nahi bezala gozatzeko aukera" eman baitie.
— La Oreja de Van Gogh (@laorejadevgogh) October 14, 2024
Berriaren susmorik ez genuen arren, La Oreja de Van Goghek Zaragozan emandako kontzertuan (birako azkena) hunkituta agertu zen Leire.
El Heraldo egunkariko kronikaren arabera, abeslariak bi aldiz egin zuen negar oholtza gainean. Rosas kantaren erdialdean, negarrari ezin eutsita zegoen artista, baita kontzertu bukaeran ere.
Birako azken kontzertua izan zen Zaragozako Pilar jaietan emandakoa, eta litekeena da Leirek La Oreja de Van Goghekin emandako azkena izatea.
Este vídeo de Leire emocionada en el fin de gira sabiendo que estaba cantando Rosas por última vez me tiene ¿¿¿ pic.twitter.com/dbUE3MYUpd
— David Andújar ¿ (@davidandu_) October 14, 2024
