Gaztea
Maketa Lehiaketa
Zilibito Recordsek irabazi du 2023ko Maketa Lehiaketa
B. F. | EITB Media
Enbata Lorade, Itzek eta Ganibet izan dira aurtengo Maketa Lehiaketako beste hiru finalistak. Zuzenekoak eman eta gero, oiartzuar seikoteak eraman du sari potoloa, epaimahaiak hala erabakita.
Informazio gehiago (1)
Zilibito Records da 2023ko Gaztea Maketa Lehiaketaren irabazlea, aurtengo epaimahaiak finalisten zuzenekoak ikusi ostean hala erabakita. Enbata Lorade, Itzek, Ganibet eta Zilibito Records lehiatu dira final handian, Bilboko Sala BBK aretoan.
20:00etan hasi da Maketa Lehiaketaren final handia, Bilboko Sala BBK aretoan. Ainhoa Vitoriak publikoa agurtu ostean, aurtengo epaimahaikideak aurkeztu ditu: Julen Idigoras, Lorea Argarate eta Josune Arakistain.
Iluntzeari musika jartzen hasteko arduradunak izan dira Zilibito Records taldeko kideak. Oiartzungo sei gazteak oholtza gainean ikusi ditugu, lehenengo abestitik azkeneraino publikoa dantzan jartzen.
Z E R@zilibitorecords #MaketaLehiaketa
— Gaztea (@gaztea) November 16, 2023
https://t.co/A3nMbv1gcY pic.twitter.com/IcRMiX9RBA
Atzetik, Ganibet taldea, Amaiur eta Ekain, igo dira oholtzara. Abesti propioak eta bertsioak uztartu dituzte, tartean Erramun Martikorenaren "Xorieri" eta The Uski'sen "Gabero zu barik". Zuzenekoa amaituta, publikoaren zein epaimahaikideen harrera beroa jaso du bikoteak.
.@Ganibettx|eko Amaiurren energia mesedezzzz
— Gaztea (@gaztea) November 16, 2023
¿¿¿¿¿¿¿¿#MaketaLehiaketahttps://t.co/A3nMbv1gcY pic.twitter.com/6ZyQfJM0W2
Doinu elektronikoak alde batera utzi eta, banda formatu klasikora. Itzek mungiarrek "Parkatu ama" izeneko abestiarekin abiatu dute kontzertua, eta "Nartziso"rekin bukatu. Hirukoteak gogor astindu du oholtza eta euren energiaren indarra epaimahaikideenganaino iritsi da.
¿ITZEK¿#MaketaLehiaketahttps://t.co/A3nMbv1gcY pic.twitter.com/Al2PogVZFu
— Gaztea (@gaztea) November 16, 2023
Enbata Loradek, aurtengo entzuleen saridunek, itxi dute gaua. Bakioko seikoteak "Zuzen", "Egurre", "Sugandila", "Marea", "Espresso" eta "Cartera vacía" abestiak jo ditu, publikoaren harrera paregabearekin.
Azkenak oholtza gainean!
— Gaztea (@gaztea) November 16, 2023
¿Enbata Lorade¿
Ikusi zuzenean¿¿¿ #MaketaLehiaketa
https://t.co/A3nMbv1O2w pic.twitter.com/294PwU6XQh
Sari banaketa
Emanaldiak bukatuta, epaimahaikideek gaueko irabazlearen izena pentsatzeko tartea hartu dute. Gaueko irabazle nagusiaren aurretik, beste bi sariak banatu ditu Ainhoa Vitoriak, aurtengo babesleen ordezkariekin batera.
Harrobia Saria izan da gaueko lehen garaikurra. Aurten, finaletik kanpo gelditutako artista batek eraman du saria. ALAI ekoizle eta musikariak Oso Polita diskoetxearekin lau abestiko EP bat irabazteko aukera izango du.
Gaz Saria (Eusko Jaurlaritzaren GAZ zerbitzuak eta Laboral Kutxaren gazte txartelak babestutakoa) Enbata Loradek jaso du. Gazteako ikus-entzuleek hala erabakita, Bakiora joan da 2.500 euroko txekea.
Azkenean, iritsi da finaleko momentu bereziena: Zilibito Records da 2023ko Maketa Lehiaketako irabazlea. 5.000 euroko saria eskuratu, eta 2024ko Bilbao BBK Liven jotzeko aukera izango dute.
