Bideoklip onena: Invierno a la vista, You don't care, Pater noster eta Tie me up

Badakigu zein diren "Bideoklip onena"ren atalean hautagaitza lortu duten lanak, eta jarraian aipatuko dizkizuegu. Gogoratu bozkatzeko epea azaroaren 3an hasiko da. 

1. "Invierno a la vista" (Izaro)

Izaro musikari mallabiarraren Limones en invierno diskoko estreinako abestia izan zen "Invierno a la vista", Xoel Lopez galiziarrarekin elkarlanean egina. Madrilen egin zuten bideoklipa, 2019ko irailean, Ander Merinok eta David Olariagak zuzenduta.

2. "You don't care" (Sua)

Labetik atera berri du Sua talde bizkaitarrak "You don't care" bideoklip indartsua. Dependentzia emozionalaren alde ilunaz eta insomnio suntsikorraz ari dira bideoan. 2020an aurkeztu duten bigarren singlea da.

3. "Pater noster" (Zetak)

"Errepidean" kantuaren arrakastaren atzetik iritsi zen Zetaken "Pater noster" bideoklipa. Elektronika erritmoz lagunduta, erlijioaren inguruko hausnarketa jarri zuen mahai gainean, horrek gizartean duen eragina aztertzeaz gain. Emaitza, hauxe:

4. "Tie me up" (Belako)

Plastic Drama mungiarren laugarren diskoaren aurkezpen singlea izan zen "Tie me up". Taldekideek azaldu zutenez, "guztiok bizi garen muntaia-katea" irudikatu nahi izan zuten kantu honetan, "gizakion eta ekosistemaren esplotazioa" dakarren inertzia, hain zuzen. Gaztea sarien izendapena lortu du aurten, beste hiru hautagaiekin batera.