Amaitu da inbestidura saioa: Sanchez Espainiako presidente aukeratu dute

- Sanchezek gehiengo osoa behar zuen (176 boto). Ez da ezusterik izan, eta horren aldeko 179 boto izan dira.

- Estebanek (EAJ) adostutakoa betetzeko deia egin dio Sanchezi, eta Feijoori zuzenduta, esan du egunen batean jakinaraziko duela PPk bere inbestidura babestearen truke jeltzaleei eskainitakoa.

- Aizpuruak (EH Bildu) lurraldetasuna eta agenda soziala defendatuko dituztela azpimarratu du, eta Sanchezi esan dio euren babesa ez dela "txeke zuri bat". "Nazio aniztasunaren legegintzaldia izan behar da honakoa", aldarrikatu du.