Teknologia -
'Techcrunch' webgunean
Facebookek Whatsapp zerbitzua erosi nahi du
Zerbitzu hori erosiko balu, Facebookek erabiltzaile datu-base berria eta diru-sarrera gehiago lortuko lituzke.
Erredakzioa
Facebook konpainia Whatsapp mezuak bidaltzeko aplikazioaren arduradunekin bildu da, Techcrunch teknologiari buruzko webguneak argitaratu duenez. Dirudienez, Mark Zuckerbergen sare sozialak zerbitzu hori erosi nahi du.
Sakelako telefonoen merkatuan sartu nahi duela erakutsi du Facebookek. Behin baino gehiagotan esan du Zuckerbergek berak sakelako telefonoen alorra dela konpainiak gutxien garatu duena eta, agian, Whatsapp erosita arazo horrekin amaitu nahi du.
Whatsapp gaur egun mezuak berehala bidaltzeko dagoen zerbitzu arrakastatsuena da. IOS, Android, Windows Pnone, Blackberry, Symbian eta Nokia sistemetan erabil daiteke, eta 100 herrialdetan baino gehiagotan erabiltzen dute.
Techcrunch webguneak azaldu duenez, Facebookek erosketa hori egin nahi du, baina konpainiek ez dute oraindik ezer adierazi. Albistea berretsiko balute, Facebookek erabiltzaile datu-base berria eta diru-sarrera gehiago lortuko lituzke.
Facebook konpainia Whatsapp mezuak bidaltzeko aplikazioaren arduradunekin bildu da, Techcrunch teknologiari buruzko webguneak argitaratu duenez. Dirudienez, Mark Zuckerbergen sare sozialak zerbitzu hori erosi nahi du.Sakelako telefonoen merkatuan sartu nahi duela erakutsi du Facebookek. Behin baino gehiagotan esan du Zuckerbergek berak sakelako telefonoen alorra dela konpainiak gutxien garatu duena eta, agian, Whatsapp erosita arazo horrekin amaitu nahi du.Whatsapp gaur egun mezuak berehala bidaltzeko dagoen zerbitzu arrakastatsuena da. IOS, Android, Windows Pnone, Blackberry, Symbian eta Nokia sistemetan erabil daiteke, eta 100 herrialdetan baino gehiagotan erabiltzen dute. Techcrunch webguneak azaldu duenez, Facebookek erosketa hori egin nahi du, baina konpainiek ez dute oraindik ezer adierazi. Albistea berretsiko balute, Facebookek erabiltzaile datu-base berria eta diru-sarrera gehiago lortuko lituzke.
