Teknologia -
Zurrumurruak Sarean
Appleren iPhone 6ak pantaila kurbatua izan lezake
Konpainiak aste honetan bertan konfirmatu du iPhone 5 berria datorren urriaren 4an aurkeztuko duela, baina, dagoeneko, erabiltzaileak hurrengo belaunaldia, iPhone 6a, dute buruan.
Erredakzioa
Astebete barru aurkeztuko du Applek iPhone 5 berria, Londresen, konpainiak adierazi duenez. Hala ere, Interneteko erabiltzaileak hurrengo belaunaldian, iPhone 6 gailuan pentsatzen hasi dira dagoeneko eta, zurrumurruen arabera, iPhone 6ak pantaila kurbatua izango du.
Tecnomagazine.net atariak argitaratu duenez, pantaila kurbatuak egiteko beira leuntzeko makinak erosi ditu Applek.
Horrez gain, konpainiak iPhone 5aren aurkezpen data konfirmatu berri duen arren, erabiltzaileak 6. belaunaldia noiz iritsiko den komentatzen hasi dira dagoeneko eta, dirudienez, datorren urteko irailean edo azaroan ezagutuko dugu iPhone 6a.