Politika -
Polizia operazioa
ETAren ustezko kolaboratzaile bat atxilotu dute Ondarroan
Auzitegi Nazionalak atxilotutakoa inkomunikatzea agindu du, eta auzia sekretupean jarri du.
Erredakzioa
Espainiako Poliziak Jon Igor Urresti Osa atxilotu du gaur gauerdian Ondarroan (Bizkaia), ETAri laguntzea egotzita, Barne Ministerioak agiri batean baieztatu duenez.
Javier Gomez Bermudez Auzitegi Nazionaleko epaileak atxilotutakoa inkomunikatzeko agindu du. Auzia sekretupean dago.
Atxilotu ostean, poliziek Urresti Osaren etxebizitza miatu dute, Txori-Erreka kalean.
Atzo atxilotutakoa, DNAri esker identifikatuta
Atzo, Ertzaintzak beste pertsona bat atxilotu zuen Balmasedan (Bizkaia), martxoaren 29ko greba egunean autobus baten azpietan lehergailu bat jartzea egotzita.
Poliziatik azaldu dutenez, gizonezkoa lehergailuan atzemandako DNA lagin bati esker identifikatu zuten.
Orain, atxilotutakoak beste kale-eraso gehiagorekin ere loturik duen ikertzen ari dira.
