Politika -
Elkarrizketa Radio Euskadin
Bilbon PPren eta biktimen arteko 'batasuna' ikustea espero du Alonsok
PPk Miguel Angel Blanco omenduko du arratsaldean EITBren Multibox aretoan. Mariano Rajoy bertan izango da.
Erredakzioa
Arratsaldean Bilbon Miguel Angel Blancoren omenez egitekoa den ekitaldira "denak" joatea eta PPren eta ETAren biktimen arteko "batasuna" argi geratzea espero duela adierazi du Alfonso Alonso PPk Kongresuan duen bozeramaileak.
"Boulevard" Radio Euskadiko saioak egindako elkarrizketan, biktimak eta PP "batuta" egon behar direla aldarrikatu du Alonsok, "nazionalismoaren gorakadaren aurrean Espainia defendatzeko".
Horren esanetan, gaur "balioa" eman behar diote Euskadin "Espainia askearen proiektua" babesteari.
"Ekitaldian denak izatea eta bertan batasuna ikustea espero dut", nabarmendu du Alonsok.
