ETAren azken presoak 'gazte bihurriekin' alderatu ditu Yustek

Angel Yuste Espetxe Zuzendaritzako idazkari orokorraren arabera, ETAren preso historikoen profila eta azken atxilotuena oso ezberdina da, eta azken hauek "gazte bihurriekin edo pistolariekin" alderatu ditu, eta gizarte-osperik ez dutela, ezta ospe kriminalik ere esan du.

Onda Cero irrati katean adierazi du, ETAko preso historikoak "ideologia" gehiago zutela eta "prestakuntza politiko gehiago izateko asmoa zutela". Oraingoek, ordea, "beste delinkuentzia mota batekin alderatu daitezke".

Oraingo ETAko presoek ez dute gizarte-osperik eta "gazte bihurriekin edo pistolariekin" alderatu daitezke.

ETAko presoek beste presoekin ez dutela harreman askorik adierazi du, eta behin, batek, erakundea barruan zeudenak kontrolatzen zituen "sekta" bat zela kontatu ziola esan du.

Yusteren iritziz, GRAPOko presoak eta ETAk oso ezberdinak dira, "lehenak fundamentalistagoak dira", adierazi du.

ETAko presoen birgizarteratze planaren inguruan, "gauzak ez dira hain errazak", zehaztu du, eta "ETAtik aldentzeko zantzu itxaropentsuak dituzten presoekin" protokolo bat dagoela gaineratu du.

ETAtik urruntzen direla bermatzen duten presoen inguruan, "noski, EAEra hurbiltzeko erabakia hartuko dugu", azpimarratu du Yustek.