Kronologia: Jaume Matas, akusatuen aulkian

- 2012ko urtarrilak 9: Hasi egin zen Jaume Matasen aurkako epaiketa, hitzaldiak idaztearen truke Antonio Alemany kazetariari ordainketa irregularrak egitea leporatuta.

- 2012ko urtarrilak 10: Matasek deklaratu zuen ez zuela parte hartu hitzaldiak ordaintzeko administrazio prozesuan.

- 2012ko urtarrilak 12: Rosa Estaras Balearetako presidenteorde ohiak deklaratu zuen Matasek baimendu egin zuela ustez ordainketak estali zituen konkurtso publikoa.

- 2012ko urtarrilak 13: Gina Garcias PSOEren aurreko Gobernu autonomikoaren Komunikazio zuzendari ohiak azaldu zuen Matasen Exekutiboak ohikoa baino 10 aldiz gehiago ordaindu zuela erreportaje batzuen truke.

- 2012ko urtarrilak 16: Alemanyren eta beste lau akusaturen deklarazioek erakutsi egin zuten Gobernu autonomikoak 450.000 euroko diru-laguntzak eman zizkiola ABN albiste agentziari, eta horrela Alemanyk berak zuzendutako egunkari digital bat finantzatu zutela.

- 201ko urtarrilak 17: ABNko bederatzi kazetarik baieztatu egin zuten agentzia hori eta Alemanyren egunkaria gauza bera zirela, eta egunkariarentzat lan egin zutenean ere agentziak eman ziela soldata.

- 2012ko urtarrilak 19: Peritu batek berretsi zuen ABNren bezero pribatu bakarra Alemanyren kazeta zela.

- 2012ko urtarrilak 23: Fiskalek eutsi egin zioten Matasen aurkako 8 urteko espetxe zigor eskaerari.

- 2012ko urtarrilak 26: Bukatu egin zen epaiketa.

- 2012ko martxoak 20: Sei urteko espetxe zigorra ezarri diote Jaume Matasi.