Egunkariaren auzi ekonomikotik kanpo utzi dute Dignidad y Justicia

Donostiako Auzitegiak Egunkariaren auzi ekonomikotik kanpo utzi du behin betiko Dignidad y Justicia taldea.

Auzitegiak dio Dignidad y Justiciak ez duela zilegitasunik Egunkariaren auzi ekonomikoan herri-akusazio izateko, bertan ez delako terrorismo deliturik epaitzen.

Epaitegiak otsailean erabaki zuen Dignidad y Justicia auzitik kanpo uztea; baina helegitea aurkeztu zuen eta orain Epaitegiak helegitea onartzen ez duen azken erabakia hartu du.

Kontuan izanda kasuren batean 26 urteko kartzela-zigorrak eta 33 milioi euroko isunak eskatzen zituela, auzipetuek pozik hartu dute notizia.

Auzitegiak egin beharreko frogak agindu beharko ditu eta ikusteke dago Fiskaltzak akusazioak erretiratzen dituen ala ez.