Kataluniako hautesmahaietako kideen 33.918 alegazioetatik % 64 onartu egin dira

Kataluniako eskualdeetako hauteskunde-batzordeek, guztira, 33.918 alegazio jaso dituzte otsailaren 14ko hauteskunde-mahaietako kideen aldetik, bertaratzetik salbuesteko eskatuz. Horietatik 21.177 onartu dira, % 64.

Kataluniako Justizia Auzitegi Nagusiak emandako datuen arabera (Terrassa eta Santa Coloma de Farners eremuetako hauteskunde-batzordeen datuak ez daude barruan), horiek dira ostiral honetara arte aurkeztutako alegazioak, bikoizuta zeuden eskaerak etab. ezabatuta.

Bartzelonako Eskualdeko Hauteskunde Batzordean, adibidez, 9.500 alegazio jaso dira eta 7.000 inguru erantzun dira: horietatik erdiak onartu dira.

Batzordeek otsailaren 14ra arte jarraitu ahal izango dute mahaiko kideen alegazioak jasotzen eta izapidetzen; beraz, mahaietan egoteko eragozpenak dituzten eta helegitea jartzen duten pertsonen kopuruak gora egiten jarrai dezake ondorengo orduetan.