Politika -
Auzitegi Nazionala
Guardia zibilek Altsasuko Ospa Eguna salatu dute terrorismoaren apologia delakoan
UnionGC-k ekitaldiaren antolatzaileei leporatzen die publikoki zabaltzea terrorismo eta gorroto delituak egitera bultzatzen dituzten mezuak eta aldarrikapenak.
agentziak | erredakzioa
Guardia Zibilaren Ofizialen Batasunak (UnionGC) salaketa aurkeztu du Auzitegi Nazionalean Altsasun abuztuaren 29an egitekoa den Ospa Egunaren sustatzaileen aurka, terrorismoa goratzen dutelakoan, eta ekitaldia debekatzeko eskatu du.
Salaketan jasotzen denez, Guardia Zibilaren aurkako ekitaldia "zuek zarete birusa" lelopean deitu dute, herriko kuartel-etxetik gertu, eta horrela terrorismoaren apologia egiten eta guardia zibilen biktimak umiliatzen dituzte.
UnionGC-k ekitaldiaren antolatzaileei leporatzen die publikoki zabaltzea terrorismo eta gorroto delituak egitera bultzatzen dituzten mezuak eta aldarrikapenak.
Hori dela eta, UnionGCk kautelazko neurri gisa eskatzen du Auzitegi Nazionaleko epaitegiak manifestazioa bertan behera utz dezala, "Guardia Zibila eta haren familiak kanporatzea eskatzeagatik".
2019an, Ospa Egunean terrorismoaren apologia-deliturik egin ote zen ikertu zuen Auzitegi Nazionalak, baina gorroto-delitua izan zitekeela pentsatu zuen, eta Nafarroako epaitegien esku utzi zuen kasua.
