Politika -
GUARDIA ZIBILA
Marlaskak M8aren txostenetik bereizi du De los Cobosen kargugabetzea
Barne ministroaren hitzetan, kargu-uztea "agintari politiko guztiek planteatzen duten konfiantzazko eremuan talde berriak berreraikitzearen ondorio da".
AGENTZIAK | ERREDAKZIOA
Fernando Grande-Marlaska Espainiako Barne ministroak baztertu egin du Diego Perez de los Cobos Guardia Zibilaren Madrilgo Komandantziako koronel buruaren kargugabetzea 8Mko manifestazioei buruzko txostenetik.
Hala adierazi du Marlaskak Ministroen Kontseiluaren osteko prentsaurrekoan, eta kargu-uzte hori "talde berriak berreraikitzeko politika arrazoizko eta normal baten ondorio" dela esan du, "agintari politiko orok planteatzen duen konfiantzazko esparruaren barruan".
Marlaskak, halaber, Laurentino Ceña Guardia Zibileko bigarrenaren ordezkapenaren berri eman du; izan ere, Ceñak erretiroa hartu zuen, baina koronabirusaren pandemiagatik karguan jarraitu zuen. Aurrerantzaean Pablo Salas dibisioko jeneralak beteko du kargu hori, orain arte institutu armatuko Informazio Zerbitzuko arduradun nagusia izan denak.
Hasiera batean agerraldia aurreikusita ez bazegoen ere, Moncloak bigarren mezu bat bidali die komunikabideei, astearte honetan Kontseiluaren erabakien berri emango duten ministroen artean Marlaska sartzeko.
Polizia Nazionaleko eta Guardia Zibileko agenteei soldatak parekatzeko azken zatia ordaindu diela jakinarazi du, baina, espero bezala, De los Cobosen kargugabetzeari eta Ceñaren kargu-uzteari buruzko galderei erantzun behar izan die.
Izan ere, goiz erdian, komunikabideek jakitera eman dute Ceñak, Guardia Zibileko bigarrenak, kargua uztea eskatzen ziola ministroari, De los Cobosen kargugabetzearekin desadostasunak zituelako. Taldeko buruak txosten bat eman zion epaitegiari, non esaten zen Gobernuak bazekiela pandemiaren larritasunaren M8an.
Baina Marlaskak erabat baztertu du kargu-uzte hori txostenarekin, eta ukatu egin du Guardia Zibilak Polizia Judizial gisa egindako edozein esku-hartze.
M8ko Emakumeen Eguneko manifestazioei eta COVID-19aren kutsatzeak ekar zezaketen arriskuari buruz galdetu diote, eta, beste batzuetan bezala, adierazi du egun horretan ekitaldi gehiago izan zirela "jende askorekin", hala nola futbol partidak edo ekitaldi politikoak, Vox taldearen inguruan.
