Ehunka pertsonak presoentzako 'amnistia osoa' aldarrikatu dute Bilbon

Amnistiaren aldeko eta Errepresioaren aurkako Mugimenduak (garai bateko ATA) ETAko presoentzako "amnistia osoa" eskatu du larunbat honetan, Bilbon.

Ehunka pertsonak manifestazioa egin dute 18:30 aldera Bizkaiko hiriburuaren kaleetan, 'borroka legitimoa delako, amnistia osoa' lelopean. Ertzaintzak dispositibo zabala martxan jarri du protesta zaintzeko.

Protesta Jesusen Bihotzetik abiatu da. Presoen argazkiak eraman dituzte manifestariek. Amnistiaren aldeko oihuak egin dituzte: "Gudariak dira, ez terroristak".

Manifestazioa baino lehen, Amnistiaren aldeko Mugimenduak elkarretaratzea egin du, Esteban de Garibay elkarteak Bilbon antolatutako mahai-inguruaren aurka protesta egiteko.