Politika -
Erasoa
Pintada homofobo eta matxistak egin dituzte Gorlizko Ikastetxean
Faxismoari gorazarre egiten dion pintadaren bat edo beste ere egin dute bertan. Horri erantzuteko, Sorginen Alabakek deituta, elkarrataratzea egingo gute gaur, 19:00etan.
AGENTZIAK | ERREDAKZIOA
Hauteskunde egunaren biharamunean, eraso transfobo, homofobo eta matxista jaso du Gorlizko Eskola Publikoak, Sorginen Alabak talde feministak sare sozialen bidez jakinarazi duenez.
Argazkietan ikusten denez, Vox alderdiaren jarraitzaileek egin omen dituzte Gorlizko Ikastetxean agertu diren pintadak.
Faxismoari gorazarre egiten dion pintadaren bat edo beste ere egin dute bertan. Gainera, esan bezala, lesbianak, gayak, transexualak, bisexualak, intersexualak eta queerrak iraindu dituzte.
Horri erantzuteko, Sorginen Alabakek deituta, elkarretaratzea egingo dute gaur, 19:00etan, Gorlizko Eliz plazan, “Aurrean gaituzue. Ez gaituzue kikilduko” lelopean.
