Sukurtsal bati eraso egin diote eta gurpilak erre dituzte, Gasteizen

Sei kaputxadunek torlojuak eta pintura beltza jaurti dituzte Vital Kutxaren egoitza baten kontra Gasteizen, eta Ertzaintzak ikerketa abiatu du kale borroka kasu bat izan ote den argitzeko.

Herrizaingo Sailak jakitera eman duenez, erasoa atzo gertatu zen 20:30ean, Arabako hiriburuko Nafarroako Errege-erreginak kalean. Kalteak pinturak utzitakoak soilik izan zirela zehaztu dute.

Ertzaintzak ez du baieztatu kale indarkeria izan ote zen eta gertakariak argitzeko zain daude.