Politika -
Lehendakaritzan
Jaurlaritzako goi-kargudunak bilduko ditu gaur lehendakariak
Helburua orain arte burututako ekimenen nondik norakoak aztertu eta hurrengo hilabeteetarako ezarritako helburu nagusiak azaldu. Bilera goizeko 10:30ean hasiko da.
Erredakzioa
Patxi Lopez lehendakariak Eusko Jaurlaritzako goi-kargudunak bilduko ditu gaur, ostirala, aurreko urte eta erdian burututako ekimenen nondik norakoak aztertzeko eta hurrengo hilabeteetarako ezarritako helburu nagusiak azaltzeko.
Bilera goizeko 10:30ean hasiko da Lehendakaritzako areto nagusian eta bertan izango dira, bigarren urtez, Eusko Jaurlaritzako sailburuak, sailburuordeak, zuzendariak eta aholkulariak.
Iragan asteartean, Gobernu Bilera bukatzean, Idoia Mendia bozeramaileak azaldu zituen Jaurlaritzaren erronka nagusian zeintzuk izango diren: krisiaren aurka borrokatzea, enplegua sortzea eta ETAren amaiera bilatzea.