Politika -
Erasoa
Euskal presoen senideak zeramatzan autobus bati eraso egin diote Algecirasen
Erasoaren unean, 11 lagun zeuden ibilgailuaren barruan, eta denak onik daude, Etxerat elkarteak azaldu duenez. Kalte materialei dagokienez, autobusaren ezker aldeko kristal bat txikitu da.
Euskadi Irratia | EiTB.eus
Euskal presoen senideak zeramatzan autobus bati eraso egin diote larunbatean, Algecirasko espetxetik gertu, Etxeratek jakitera eman duenez.
Arratsaldeko 19:00ak inguruan harrikatu zuten Etxerateko autobusa, espetxetik kilometro gutxira. Puertoko eta Sevillako kartzelatara zihoan, hainbat senide jasotzera.
Erasoaren unean 11 lagun zeuden ibilgailuaren barruan, eta denak onik daude, elkarteak adierazi duenez. Kalte materialei dagokienez, autobusaren ezker aldeko kristal bat txikitu du erasoak.
Datozen egunotan Etxeratek agerraldia egingo du gertatutakoari buruzko xehetasunak emateko eta balorazioa egiteko. Halaber, lasaitasun mezua zabaldu nahi izan du, inor zauritu ez delako.