Politika -
Elkarrizketa AEBetan
Otegik 'ETAren isiltasuna adierazpenekin estali du', EAJren ustez
Elkarrizketaren harira jeltzaleek igorri duten oharraren arabera, Otegiren hitzetan "ez dago ezer berririk".
Erredakzioa
Wall Street Journal egunkariari eskainitako elkarrizketarekin, Arnaldo Otegik "ETAren isiltasuna adierazpenen bidez estaltzeko saiakera" egin duela uste du Eusko Alderdi Jeltzaleak.
Elkarrizketaren harira igorri duen oharraren arabera, Otegiren hitzetan "ez dago ezer berririk".
"Bakearen inguruko ezer berririk baloratu behar denean, Euzko Alderdi Jeltzaleak egin egingo du. Eta gaurkoan ez dago iritzia emateko datu berririk, ETAren isiltasuna adierazpenen bidez betetzeko saiakera baino ez da", azaldu dute jeltzaleek.
"Ezker abertzalea deritzon mundua da bere egoera eta denborak kudeatzen dituena".