Blazquez: 'ETAk armak uzten baditu, gizartea eskuzabala izango da'

ETAk "behin betiko eta benetan armak uzten baditu, Euskadiko eta Espainiako gizartea eskuzabala" izango lirateken "uste osoa" du Ricardo Blazquez Gotzainen Biltzarreko presidenteordeak. Horrela, erakundearekin lotura izan dutenak "gizartean integratzen" lagunduko luketeela adierazi du.

ETA "laster desagertuko" den "uste osoa" duela esan du Gotzainen Biltzarreko presidenteordeak EFE albiste-agentziari eskainitako elkarrizketan. Horren ustez, norabide horretan "hainbat zantzu" daudelako.

Erakunde terroristaren balizko desagerpenaren albisteei dagokionez, jarduerarekin jarraitzeko ETAko kideek argudiatzen dituzten "arrazoi guztiei zilegitasuna kentzen jarraitu behar da", babestu du egungo Valladolideko gotzainak; izan ere, "euskal gizartea da ETAren biktima nagusia".

Bilboko gotzaina zenean, erakunde hori "ETAren desagerpena eskatu zuen lehenetarikoa" izan zela gogorarazi du Blazquezek.

Armak utziko balituzte, "merezi dutena eman" beharko zaiela azpimarratu du Blazquezek, baina "hilketaren bat egin duena, eta informazioa eman duen beste baten arteko alde handia dago", zehaztu du.

Terrorismoari zilegitasuna kentzeko orduan, Eliza Katolikoa "dike" rola egin duela babestu du Gotzainen Biltzarreko presidenteordeak, eta Gesto por la Paz bezalako taldeen lana aipatu du.