Cominek ez du bere botoa delegatuko Kataluniako Parlamentuan

Toni Comin kontseilari ohiak eta ERCko diputatuak bere botoa osoko bilkuretan ez delegatzeko egindako eskaria bertan behera utzi du astearte honetan idatzi baten bidez. Hori horrela, Cominek Sergi Sabria ERCko bozeramailearen bitartez botoa eman ahal izateko aukera "bertan behera" utzi du.

Kataluniako Parlamentuko Mahaiak Cominen botoa delegatzeko eskaera aztertu behar zuen gaur, hain zuzen; hainbat taldek erabaki hori baliogabetzea eskatu baitzuten.

Comin Belgikan dago eta handik bidali dio Kataluniako Parlamentuari bere idazkia, Mahaiak gaiaren inguruan eztabaida hasi eta minutu batzuk lehenago. Hortaz, gaurko bilera ez da beharrezkoa izango.

Cominek, berriz, ez dio eserlekuari uko egin eta, ondorioz, JxCatek eta ERCk osoko bilkuran duten gehiengo sinplea galduko dute: Cominek ezin badu botoa eman alderdi biek 65 boto izango dituzte eta CUPen menpe izango dira gainerako bilkurako taldeek osatzen dituzten 65 eserlekuei nagusitzeko.