Oyarzabal: 'Hauteskundeetarako su-eten bat ez da nahikoa izango'

"Terrorismoaren gaitzespen elektorala" edo "hauteskundeetarako su-etena" nahikoa ez dela izango ohartarazi du gaur EAEko PPk. Sozialistek eta popularrek bilera egingo dute datorren astean, Euskadin sinatutako itunari buruz hitz egiteko.

Iñaki Oyarzabal EAEko PPko idazkari orokorrak adierazi duenez, bilera horretan ETAren aurkako gaietan "lidergoa" hartzeko eskatuko diote Patxi Lopez lehendakariari.

Bere hitzetan, PSE-PP akordioari esker, "ETA eta bere ingurua inoiz baino ahulago daude". Horregatik, Espainiako Gobernuari eta Jaurlaritzari dei egin die, "hizkuntza bikoitzekin eta anbiguotasunarekin" bukatzeko, ETAri "oxigenoa" ez emateko eta gizarteari itxaropenak ez emateko.