Presoei buruzko ‘bide-orria’ adosteko manifestazioa egingo dute gaur Bilbon

?Kalera Kalera? ekimenak manifestazioa deitu du gaurko, ostirala, Bilbon. ETAko presoen aldeko martxak ?agente politikoen, sozialen, erakundeen eta presoen? arteko ?bide-orria? eskatuko du, baita ?kartzelatik irtetea eta etxera itzultzea? aldarrikatu ere.

Martxa Bilboko Moyua plazatik irtengo da, 12:30ean, eta Bilboko Aste Nagusiaren baitan deitu dute, jai ?giroa aprobetxatzeko?, plataformak beste euskal herri batzuetan egin duen moduan jaietan.

Deialdia asteazken honetan aurkeztu dute, manifestazioa hasiko den plaza berean. Komunikabideen aurrean egindako aurkezpenean, besteak beste, Arantxa Zulueta presoen abokatua eta Tasio Erkizia ezker abertzaleko buruzagi historikoa izan dira.

Martxako manifestua Leire Urrutiak irakurri du euskaraz, eta Gotzon Amarok gazteleraz. ETAko presoen egoeraren ?irtenbidea nahitaez aske uztetik eta etxera itzultzetik pasatzen? dela nabarmendu du.

?Ezin du normalizazio politikorik egon Espainiako eta Frantziako kartzelak euskal presoez beteta daudela?, esan du Amarok. ?Estatuen jarreran aldaketa bat behartzeko, borroka eta herritarren mobilizazioa ezinbestekoak dira?, azpimarratu du.