Gobernua lanean ari da Batasunari erakundeetako ateak ixteko

Francisco Caamaño Justizia ministroak ETAk "eraso ekintza armatuak" baztertzeko hartu duen erabakiaren inguruan azaldu duenez, legea betearazten jarraituko dute eta "beharrezkoa bada legea aldatuko dugu herritarrak ordezkatzen dituzten erakundeetan demokratak bakarrik egongo direla bermatzeko".

Caamañok gogorarazi du Gobernuko presidentea "argia" izan dela eta "indarkeria argi eta garbi gaitzesten ez dutenak ez direla demokraziaren organoetan egongo".

Batasunak, hauteskundeetan egoteko, EA erabiltzeko aukerari buruz galdetuta, Caamañok berretsi du legearen tresna guztiak erabiliko dituztela hori galarazteko, eta azpimarratu du Auzitegi Konstituzionalaren jurisprudentzia dagoela aurreko hauteskundeetan irekitako prozesuengatik.

Era berean, Diputatuen Kongresua hauteskunde legeak egokitzeko lanean ari dela gaineratu du.