Politika -
Ohorezko matrikula
Euskadi gardentasunari buruzko rankingaren buruan kokatu da
Iñigo Urkullu lehendakaria oso pozik agertu da puntuazio horrekin eta eta Euskadi rankingaren buruan kokatzea ahalbidetu duten arduradunak zoriondu ditu.
Agentziak | Erredakzioa
Gardentasun Internazionala (Transparency International, ingelesez) gobernuz kanpoko erakundearen espainiar dibisioak gardentasunari buruzko ikerketa egin du. Erakunde horrek kaleratu berri duen Autonomia Erkidegoen Gardentasunaren Indizearen barruan, Euskadik atera zitekeen puntuaziorik gorena lortu du (ehun puntutik ehun). Gainontzeko autonomia erkidegoek ere nota bikainak atera dituzte, eta soilik hiruk puntuazio baxuagoak lortu dituzte.
Hala, Euskadi gardentasunari buruzko rankingaren buruan kokatu da. Jarraian, Balear Uharteak, Katalunia eta Madril kokatuko lirateke (98,1 puntu banarekin). Zerrenda horren amaieran, baina nota altuarekin bada ere, Nafarroa (81,1 puntu), Extremadura (88,1 puntu) eta Aragoi (88,88) daude.
Abenduan hiru urte bete dira Espainiako Gobernuak Gardentasun Legea onartu zuenetik, 2013an. Indize horrekin helburu bikoitza lortu nahi du Transparency International erakundeak: alde batetik, Autonomia Erkidego desberdinetako Gobernuen gardentasun maila neurtzea eta, bestetik, herritarrei eta gizarteari erakunde hauek eskaintzen dieten informazioa bultzatzea.
Beste alde batetik, Espainiako Nazioarteko Gardentasuna erakundeak beste txosten bat kaleratu du, "gardentasuna bultzatzeko eta ustelkeriari aurre egiteko" helburuarekin.
Urkullu pozik agertu da emaitzekin
Beste alde batetik, Iñigo Urkullu lehendakaria oso pozik agertu da Euskadik Autonomia Erkidegoen Gardentasunaren Indizearen barruan lortu duen puntuazioarekin. Twitter bidez, Euskadi rankingaren buruan kokatzea ahalbidetu duten arduradunak zoriondu ditu, baita gainontzeko Autonomia Erkidegoak ere.
