Gaixotasun larriak dituzten presoen alde egin dute Baionan

Larriki gaixorik dauden presoak aske uztea eskatu dute gaur Baionan ehunka manifestarik.

Ibon Fernandez Iradiren kasua azpimarratu dute bereziki antolatzaileek, zeinari 2010. urtean esklerosi anizkoitza zuela esan zioten.

Manifestaldia oso zabala izan da, eta bertan egon dira, esaterako, Baionako alkate zentrista eta Lapurdi kostaldeko diputatu sozialista. Guztira 35 talde, elkarte, sindikatu eta alderdi politiko izan dira protestarekin bat egin dutenak.

Datorren ostegunean Fernandez Iradiren zigorra eteteko eskaera aztertuko du berriz Frantziako justiziak.