Aske, Frantzian atxilotutako ustezko ETAko laguntzailea

Frantziako Poliziak aske utzi du Laetitia Chevalier, ostegunean beste lau lagunekin batera atxilotutako ETAko ustezko kolaboratzailea, kazeta.infok adierazi duenez.

ETAren aurkako operazio horretan, Mikel Carrera Sarobe Alta, ETAko ustezko burua eta bere ustezko laguntzaileak ere atxilotu zuten. Atzo Parisera eraman zituzten epailearen aurrean pasatzeko, ikerketako iturriek zabaldu dutenez.

ETAko ustezko hiru kideak -Carrera Sarobe, Arkaitz Agirregabiria eta Maite Aranalde- eta haien laguntzaileak direlakoan atxilo eraman zuten bikote frantziarra, Eñaut Aramendi eta Laetitia Chevalier.

Lehenengo, terrorismoaren kontrako fiskaltzaren aurrean egon beharko dira dagozkien delituak leporatu diezazkieten eta, geroago, "askatasuna eta atxiloketaren" epaile batek erabakiko du kartzelan sartuko duten.