Politika -
Venezuelan
ETA eta iraniar taldeak FARCen kanpamentuetan entrenatzen dira
Kolonbiako inteligentzia-zerbitzuak, beraz, Eloy Velascorekin bat dator ETA-FARC gerrillaren harremanaren inguruan. 1.500 lagun entrenatzeko 28 kanpamendu ditu FARCek Venezuelan
Erredakzioa
ETAko kideak eta "zenbait iraniar talde" FARCen Venezuelan dituen entrenamendu kanpamentuetan daudela aditzera eman du Kolonbiako inteligentzia-zerbitzuak
El Espectador Kolonbiako egunkariak txosten bat argitaratu du gaur. Bertan biltzen diren datuak Eloy Velasco ANeko epailearen sumarioan daudenekin bat datoz, ETA-FARC gerrillaren harremanaren inguruan. FARCeko kide ohien deklarazioak daude sumarioan eta horien arabera, ETAko kideak gerrillaren kanpamentuetan zeuden Venezuelan lehergailuen fabrikatzeko ikastaroak emateko.
Kolonbiako egunkariak aipatu dokumentuaren arabera, 1.500 lagun entrenatzeko 28 kanpamendu ditu FARCek Venezuelan, Apure eta Zulia estatuetan, alegia.
