Martxoaren 3ko gertakariak argitzeko akusazio gisa aurkeztuko da Araba

Arabako Foru Aldundiak lehen pausoa eman du frankismoak eragindako krimenak eta 1976ko martxoaren 3ko sarraskia salatzeko. Poliziaren karga batean bost langile hil eta ehun bat zauritu zituzten lan-baldintzak hobetzea eskatzeko protesta batean.

Ramiro Gonzalez Arabako diputatu nagusiak astearte honetan, hilak 7, adierazi duenez, Arabako Foru Aldundiak gertatutakoa argitzeko beharrezkoak diren neurri guztiak hartuko ditu. Horregatik, akusazio bezala aurkezteko lehen pausoa eman dute.

Neurri horrekin, Arabako Batzar Nagusiak agindutakoa betetzen dute. Izan ere, bertan ordezkatuta dauden talde guztiak akzio judizialak hartzearen alde agertu dira, Alderdi Popularra izan ezik.