Politika -
Auzitegi Nazionala
314 urteko kartzela-zigorra ezarri diote Fermin Vila Mitxelenari
2001ean, Madrilen, bonba-auto bat jarri izana leporatu dio epaileak ETAko kideari.
AGENTZIAK | ERREDAKZIOA
Auzitegi Nazionalak 314 urteko kartzela-zigorra ezarri dio Fermin Vila Mitxelenari, 2001ean Madrilen ETAk egindako atentatu bat egotzita. Lehergailuz betetako auto bat zartarazi zuten Goya kalean BBVAk duen sukurtsal batean eta 18 pertsona zauritu ziren.
"Helburua kalte pertsonal eta material handiak eragitea zen, Madril erdiguneko eta etxebizitzaz eta komertzioz betetako toki bat aukeratu zutelako", dio Auzitegi Nazionalaren ebazpenak.
Espetxe-zigorraz gain, 1.300 eta 300.000 euro arteko kalte-ordainak eman beharko dizkie atentatuan zauritutako 18 pertsonei.
