Oyarzabalek "zuhurtzia" eskatu dio Mayor Orejari

Iñaki Oyarzabal Euskadiko PPko idazkari nagusiak "zuhurtzia" eskatu dio Jaime Mayor Orejari, alderdi popularrak Europako Parlamentuan duen bozeramaileari, eurodiputatuak Gobernua ETArekin negoziatzen ari dela esan ondoren. Oyarzabalen ustez, Mayor Oreja "ez da kalearen jakitun euskal politikan".

Euskadiko PPko idazkari nagusiak adierazi duenez, "ETAren kontrako borrokan sozialistak, PPrekin batera" daudela argi utzi dute ekintzek eta Gobernuak "ETA udaletan ez egoteko xedez Legea erreformatzeaz gain, Legea aplikatzeko borondatea" izatea espero du popularrak.

Oyarzabalek ez ditu eurodiputatuaren adierazpenen arrazoiak ulertzen eta Mayor Orejar esandakoa "harritu" diola esan du. "Guk ez daukagu benetako gertakarietan oinarrituta dauden ziurtasuna", azaldu du Oyarzabalek Mayor Orejaren hitzen harira.

"Ez da Zapateroz fidatzen"

"Espainiar askori gertatzen zaien era berean, Jaime Mayor Oreja ez da Zapateroz fidatzen. Terrorismoaren kontrako materian presidenteak akats asko izan ditu, eta horrek, mesfidantza sortzen du, baina gu, Euskadiko PPtik, ekintzetan oinarritu behar gara", adierazi du Oyarzabalek.

Ildo horretan, "PPrekin akordioa sendoa da eta horrek terrorismoaren kontrako politika bideratu du". "Sozialistak, PPrekin batera, ETAren kontra ari da fronte guztietatik, eta gure beharra da sozialistak babestea", esan du.

Horregatik, eurodiputatuaren adierazpenak "ez dira une honetan egin ahal ziren zuhurrenak", esan du Oyarzabalek.