Politika -
Auzitegi Nazionala
Permach espetxetik atera daiteke, 50.000 euroko bermepean
Neurri bera ezarri diete Joseba Alvarezi eta Juan Cruz Aldasorori. Baldintzak ere jarri dizkiete: ezingo dira Estatutik atera, pasaportea kendu diete eta astero epaitegira joan beharko dira sinatzera.
Erredakzioa
Auzitegi Nazionalak 50.000 euroko bermea ezarri die Joseba Permach, Joseba Alvarez eta Juan Cruz Aldasoro ezker abertzaleko kideei, aske geratzeko. Hirurak 2007tik daude preso eta ''herriko tabernen'' kontrako sumarioan daude auzipetuta.
Ebazpenaren arabera, debekatuta izango dute Estatutik ateratzea, pasaportea kendu egingo diete eta astean behin epaitegira joan beharko dira sinatzera.
Auzitegiak berretsi egin du hiru auzipetuek galarazita dutela "bileretan, manifestazioetan, ekitaldi publikoetan, erakundeetan edota alderdi politikoetan parte hartzea".
