CUPek hilaren 27an erabakiko du Mas babestu edo ez

CUPek Asanblea Nazionala deitu du abenduaren 27rako, Junts pel Si (JxSi) koalizioarekin izandako negoziazioei eta Artur Masen inbestidurari buruz erabakitzeko, Sergi Saladie diputatuak iragarri duenez.

Horren esanetan, egun ez dago akordiorik bi indarren artean, prozesu independentistari ekiteko adierazpena salbu.

CUPek “akordio orokorra” lortu nahi du JxSirekin, hiru ildo nagusiren inguruan: Estatuarekin hausteko prozesua abiatzea, neurri sozialak onartzea eta prozesu konstituziogile bat sustatzea.