Politika -
Galdera
PSOEk Fernandez Díaz gaitzestea eskatuko du Ceutako tragedia dela eta
PSOEk Barne ministroa gaitzestea eskatuko du, Kongresuak Ceutako zorigaitza aztertzeko ikerketa batzorde bat irekitzeari ezezkoa eman ostean.
Soraya Rodriguez PSOEk Kongresuan duen bozeramaileak jakinarazi duenez, Jorge Fernandez Diaz Barne ministroa gaitzestea eskatuko dute datorren asteko bilkuran, Kongresuak Ceutako zorigaitza aztertzeko ikerketa batzorde bat irekitzeari ezezkoa eman ostean.
Bozeramaileen Batzordeak PSOEren eta IUren eskaerari ezezkoa eman ostean galdera bat aurkeztuko duela iragarri du Rodriguezek. Marokotik Espainiara sartzen saiatzen ari zirenean 15 etorkin nola hil ziren argitzeko egin nahi zuten ikerketa-batzordea, baina PPk bere gehiengoa baliatu zuen eskaria bertan behera uzteko.
