Politika -
Elkarrizketa, Radio Euskadin
EAJren helburua 'independentzia' dela uste du EAEko PPk
Dena dela, Iñigo Urkulluren eta Artur Masen jarrerak "ezberdinak" direla aitortu du Borja Semperrek.
Erredakzioa
Borja Semper EAEko PPk Eusko Legebiltzarrean duen bozeramailearen ustez, Iñigo Urkullu lehendakariaren eta Eusko Jaurlaritzaren helburua "independentzia" da.
Dena dela, orain arte Iñigo Urkullu lehendakariak erakutsitako jarrera eta Artur Mas Kataluniako Generalitateko presidentearena "ezberdinak" direla aitortu du. Hori dela eta, "zentzutasuna mantentzea" eskatu dio.
Radio Euskadin egindako elkarrizketa batean, Euskadi "Kataluniako gainbeheran" ez sartzea espero duela esan du Semperrek, horrek "tentsioa" sortzen duelako.
Horrenbestez, Kataluniako kontsulta arbuiatu du, herritarrek "lasaitasuna" behar dutelako.
