Politika -
Donostian
Sevilla II kartzelako ETAko presoen aldeko manifestazioa egin dute
Milaka pertsonak PPko Gobernuaren kartzela politika salatu dute, "giza eskubideen kontrako erasoa delako" eta eraso hori Sevilla II kartzelan eta Estatuko gainontzeko espetxeetan ematen da.
Erredakzioa
Milaka pertsona bildu dira Donostian Sevilla II kartzelan dauden ETAko presoen eskubideen alde egiteko. Iragan ostegunean, 32 eguneko gose grebari amaiera eman zioten. Grebaren bidez, "inkomunikazioa" eta bizi duten egoera salatu dute.
Protesta 12:30ean hasi da Boulevarrean, 'Sevilla II SOS. Euskal presoen eskubideen alde borrokan' lelopean.
Manifestazioan izan dira, besteak beste, Juan Karlos Izagirre Donostiako alkatea eta Rufi Etxeberria, Hasier Arraiz, Joxean Agirre eta Joseba Alvarez Sortuko ordezkariak.
Gipuzkoako hiriburuko hirigunetik ibili ondoren, martxa Boulevarrera itzuli da. Bertan, Imanol Aranburuk adierazpen bat irakurri du presoen familien eta lagunen ordezkari gisa. Adierazpen horretan, Andaluziako kartzelan dauden ETAko presoen egoera "larria" salatu du.
Aranburuk PPko Gobernuaren kartzela politika salatu du, "giza eskubideei eraso egiten dielako", bai Sevilla II kartzelan, bai Estatu espainiarreko gainontzeko kartzeletan.
Agirrek kartzela politikaren premiazko aldaketa eskatu du
Joxean Agirre Sortuko Gipuzkoako koordinatzaileak dei egin die "erakunde guztiei" Gobernuaren kartzela politika aldatzeko eta "Euskadik bizi duen aro berriari" moldatzeko. Agirreren ustez, behar hori "gero eta premiazkoagoa da".
