Trebiñuk Euskadira anexionatzeko bideari ekitea onartu du

Trebiñuko (eskualde horretako herri nagusia) Udalak osoko bilkura egin du udaletxean eta Gaztela eta Leonetik segregazioa egin eta Euskadira anexionatzeko bidea hastea onartu du.

Akordioa udal-Gobernuaren taldeak proposatu du (bertako hautetsi independenteek osatutako bi elkarte) eta bi alderdien lau zinegotziek, EAJren batek eta Bilduren beste batek baiezkoa eman diote, PPkoak, ordea, abstenitu egin dira bozketan.

Inacio Portilla Trebiñu herriko alkateak bilkuran azaldu duenez, Gaztela Leon eta Euskadiko Estatutuek horren moduko kasuetarako aurreikusita dutenaren arabera jokatuko dute.

Bestalde, Inmaculada Ranedo Alderdi Popularraren bozeramaile eta abenduan zentsura-mozioa egin arte Trebiñuko alkateak zergatik abstenitu diren azaldu du; horren arabera, udalerriko biztanle batzuek egindako proposamen bat da, eta legezkoa, nahiz eta berriro ere esan duen bere jarrera segregazioaren kontrakoa dela.

Argantzungo Udalak bat egin du

Trebiñu bezalako enklabeak Espainian mantentzea "praktikoa ez" dela uste du Roberto Ortiz Argantzuneko alkateak.

Udaleko osoko  bilkuran bere proposamena horrela defendatu du Ortizek. Trebiñuk goizean egin bezala, Gaztela Leonetik segregazioa egin eta Euskadira anexionatzeko bidea hastea onartu du Argantzunek arratsaldean.

Hautesleen kolektiboko sei zinegotziek aldeko botoa eman dute eta PPko zinegotzi bakarra abstenitu da.