Jesus Torquemada
ANALISIA
Iranentzat erronka Iraken
JESUS TORQUEMADA
Iraken gertatzen ari dena oso garrantzitsua izanagatik, ia oharkabean pasatzen ari da.
Duela bi hilabete hasi zirenetik, etengabeak izaten ari dira ustelkeriaren amaiera eta pobreziaren aurkako erabakiak eskatzen dituzten kale-protestak. Baina protesta hauek Iranen aurkako kutsua hartzen ari dira. Irakeko gobernuan xii irakiarrek agintzen dute, eta sunniak bigarren mailan utzi dituzte.
Irakeko xiiek Iranen babesa dute, Iran baita xiien potentzia handia. Babesa, politikoa eta militarra da: Qasem Soleimani Irango Guardia Errepublikanoaren burua Adel Abdelmahdi Irakeko presidente xiiaren aholkulari nagusia da.
Manifestarien aurrean ez etsitzeko agindu dio Iranek Abdelmahdiri, eta segurtasun indarrak gogor jardun dira: ia laurehun hildako gertatu dira bi hilabetetan. Horregatik, manifestatzaileak Iranekiko haserrea azaleratzen hasi dira Iraken ez parte hartzeko exijituz.
Atzo, manifestatzaileek Iranen kontsuletxea erre zuten Nayaf hirian, eta gobernuaren soldaduek 35 lagun hil zituzten. Iraken gertatzen ari denak zera erakusten du: ez direla Estatu Batuak edo Saudi Arabia bakarrik Ekialde Hurbila sutzen ari direnak, Iranek ere ardura handia du Iraken, Sirian, Libanon eta Yemenen gertatzen ari denaren gainean.
