Gizartea
Desagertuak
Nafarroako bi mendizale bilatzen ari dira Frantziako Pirinioetan
Erredakzioa
Frantziako suhiltzaileak eta Polizia ari dira bilaketa lanetan, bi mendizaleen autoa Lescunen (Frantzia) aparkatuta aurkitu ostean.
Nafarroako bi mendizale bilatzen ari dira Frantziako Pirinioetan, atzotik non dauden ez dakitelako. Atzo biak etxera itzultzea espero zuten.
Nafarroako Gobernuko iturriek jakitera eman dutenez, Frantziako suhiltzaileak eta Polizia ari dira bilatzen, bi mendizaleen autoa Lescunen (Frantzia) aparkatuta aurkitu ostean.
Mendizaleak igandean joan ziren Pirinioetara eta gauerdian ez zirenez itzuli, senideek abisua eman zioten Poliziari. Bi mendizaleek 47 urte dituzte eta A.N.L. eta A.G.R. dira.
Bilaketa
Goizean, iturri berdinaren arabera, Foruzaingoko eta Aragoi zein Nafarroako Guardia Zibilaren agenteek zonan bilatzen izan dira, Frantziako poliziekin batera, eta bi mendizaleen autoa aurkitu dute.
Hortik aurrera bilaketa lanen ardura Frantziako indarren esku geratu da.
Bilaketa lanak bertan behera utzi behar izan dituzte gauean, baina eguneko lehen orduan berriz hasiko dira, iturriek azaldu dutenez. Polizia eta suhiltzaile gehiago joango dira laguntzera eta baita zenbait helikoptero ere.
