Atxilotuek bonbak egiteko materiala, armak eta munizioa zituzten

Lehergaiak sortzeko material ugari atzeman diete, ustez, lapa-bonbak egiteko balio duena, asteartean Ertzaintzak atxilotutako ETAko ustezko kideei.

Era berean, bi pistola, detonagailuak eta tenporizadoreak ere omen zituzten eskuartean.

Armak eta lehergaiak ezezik, telefono mugikorrak, material informatikoa, dokumentazioa eta deskarga elektrikoa ematen duen arma bat ere bazituzten.

Marihuana (2 poltsa), ustezko estupefazienteak (41 poltsatxo), droga pisatzeko lau baskula eta 1.750 euro ere atzeman dizkiete.

Diligentziekin batera, Ertzaintzak material guzti hau emango dio Auzitegi nazionalari.