Mundua -
Ukrainako Gerra
Ukrainiarren kontraerasoa abian dela ziurtatu du Putinek
Errusiako presidentearen arabera, agerian da erreserba estrategikoen erabilera. Dena dela, oraingoz Ukrainako erasoaldi guztiek porrot egin dutela ziurtatu du agintari errusiarrak
Agentziak | EITB MEDIA
Vladimir Putin Errusiako presidentearen arabera, Ukrainako Indar Armatuek aspaldi iragarritako kontraerasoa hasi dute jada. Moskuk 2022ko otsailean hasitako gerraren baitan, galdutako lurraldea berreskuratzeko asmoz garatu nahi duten ekintza armatua da.
"Ukrainiarren kontraerasoa hasi dela baieztatu dezakegu jada; izan ere, agerian da erreserba estrategikoen erabilera", adierazi du ostiral honetan Putin presidenteak Sotxiko hiritik, Errusiako hego-mendebaldeko muturrean.
Dena dela, oraingoz Ukrainako erasoaldi guztiek porrot egin dutela ziurtatu du agintari errusiarrak, baina Ukrainako Indar Armatuek eraso egiteko gaitasun handia dutela onartu du, TASS Errusiako albiste-agentziaren arabera.
